Даадхал хэгшэд хүнүүдэй ашаг талын түлөө оролдоно
2017 оной январиин 1-һээ эхилээд 2 шатын даадхалай түлөөлэгшэд ажалаа эхилээ, тэдэнэр тогтоогдоһон гуримай ёһоор диспансеризаци гаргалга хинадаг болохо, мүн баһа эмнэлгын эмхинүүдтэй хамта график зохёожо, диспансеризаци гараха хэрэгтэй байна гэжэ даадхал хэгшэдтэ дуулгаха юм. Хожом саашадаа даадхалай түлөөлэгшэд хүнүүдэй “харгыень” заажа, залажа үгэдэг болохо гэхэ гү, али үбдэһэн хүнэй эмнэлгын газарта хандаһан сагһаа эмшэлжэ дүүрэхэ хүрэтэрнь харгалзалха юм. Ээлжээ ба эмнэлгын туһаламжада хүртэхые адаглаха, даадхал хэһэн нюурнуудай больницада орожо шадаагүй хүнүүд тухай мэдээсэл суглуулха, хазагайруулһанай шалтаг тодорхойлжо, тиимэ ушарнуудые усадаха хэмжээ абахын тула эмнэлгын эмхинүүдтэй харилсаха, болон бусад ажалнууд ороно. Гэбэшье даадхалай түлөөлэгшын гол зорилго болбол элүүр мэндын даадхалай талаар хүнэй эрхэ ба ашаг тала нарин сахиха болоно. Эмнэлгын эмхинүүдые залан хүтэлхэ даадхалай түлөөлэгшэдэй нэрэнүүдтэй эндэhээ танилсажа болоно.